Höfundurinn Werner Rings spyr og reynir að svara áhugaverðum rannsóknarspurningum í þessari bók. Bæði hvernig mismunandi einstaklingar og hópar reyndu að verjast hernámsöflunum í Síðari Heimsstyrjöld og hvernig aðrir reyndu samstarf.
Rings flokkar samstarf og andspyrnu í mismunandi stig eftir eðli. Allt frá samstarfi sem byggði á gróðasjónarmiði sem miðaði að samstarfi sem tryggði Þjóðverjum og samstarfsfólki þeirra sem mestan hagnað og hins vegar andspyrnu sem krafðist sem mestrar eyðileggingar og morða.
Niðurstaða Rings er að andspyrnan hafi skipt litlu máli og ekki verið þess virði í mannslífum og eyðileggingu sem síðri tíma höfundar hafi látið í veðri vaka - ef frá er talin hugmyndafræðileg huggun. Hann reynir líka að útskýra ástæður þeirra og rök sem hófu samstarf og bendir á að allt hafi þetta snúist um tímann í kringum 1942 - 1943 þegar ljóst verður að nasistarnir verða ekki sigurvegarar stríðsins líkt og leit lengi út fyrir að vera.
Helstu ókostir bókarinnar eru að hún byggja stundum á fáum heimildum um ákveðna þætti rannsóknarinnar og ávallt á eftirheimildum - þ.e.a.s. rannsóknum annarra og túlkun. En greining Rings er áhugaverð og frumleg. ( )