Marcos S. Calveiro

Novela histórica, novela de misterio, intriga e de iniciación, na que se conta a vida en Compostela do encadernador Ambrosio Cavaleiro, nado en Pontedeume, pero tamén a da cidade nos séculos XVI e XVII, as distintas confrarías, os problemas co Santo Oficio e, naturalmente o mundo da edición e da cultura galega. De aí o título, Festina Lente, ou Apresúrate Amodo, lema co que o impresor veneciano Aldo Manucio, encabezaba os seus libros un século antes.
O mellor da novela, ao marxe da historia, entretida e moi informativa, a poesía da linguaxe e a interesantísima documentación na que se basea.
A novela mestura persoaxes reais con outros de ficción, aos que dota de verosimilitude mediante unha serie de documentos dos que o autor da cumprida conta.
O códice dos Lavancos e a obra pola que Ambrosio vese inmerso, o libro que rexe a vida dos canteiros, confraría de construtores que “sabían dos arcanos da pedra, da súa exacta aliñación co alento vital da terra e coas correntes subterráneas que baixo os nosos pés guiían o noso camiñar polos rueiros da vida.
Outro acerto é esa descrición da Compostela do século XVII pola que nos fai pasear o autor, coa súa miseria, os seus costumes, andacios, as obras na catedral e en San Martín Pinario, todo pechado dentro da muralla que rodea a cidade coas súas nove portas.
Hai algunha imaxe que resulta un pouco fora de lugar como a do carro de libros desbocados coa xente recollendo todo canto documento poida e o intento de recuperación por parte das autoridades da Inquisición, e outras un pouco deixadas de man, e que confunden ao lector. Polo demáis, outra maravilla do autor.
… (mais)

Teño que confesar que costoume comezar porque non acababa de crerme a historia nos dous primeiros capítulos, que lin varias veces ata conseguir pasalos e entón comezou a chicha. O final tamén ten algo de inverosímil pero ou xa estaba tan metida na trama ou o seu autor conseguiu darlle algo de verosimilitude á ristra de asasinatos imposibles cos que remata a obra sen que eu me dira conta. En todo caso, prácticamente todo o do medio merece moito a pena.
Unha historia que acontece en Vilagarcía e que tamén revela algo da historia de Galicia máis descoñecida como é a importancia da baía arousana para as armadas tanto británica como xermana, xa desde a I Guerra Mundial.
O libro vai intercalando a historia de Delia Cores e o seu fillo Edelmiro con capítulos nos que o suposto autor da novela vai contando o seu proceso de documentación mentres reflexiona sobre a escritura, sobre o mundo literario galego e, tamén nunha parte da súa biografía que, sospeita, ten que ver co relato que nos está contando.
O escenario da Vilagarcía de finais do século XIX exténdese ata o final da Guerra Civil, onde remata unha parte da historia, e na que tamén aparecen outras personaxes destacadas que rozan a vida dos protagonistas en determinados momentos, como son os casos de Joaquín Sorolla e Federico García Lorca, pero tamén o que fora alcalde de Vilagarcía, Elpido Villaverde, ou ao marxe da historia principal, a referencia a Plácido Castro case ao principio da novela.
Unha historia moi ben contada e con todos os elementos tan ben engarzados que costa deixar a lectura ata a seguinte sesión.… (mais)